Датум на објава: 06.06.2022
Почитувани љубители на планинскиот велосипедизам, почитувани уживатели на природата и спокојот, почитувани ентузијасти, и оваа година „Пехчево на точак“ ја продолжуваат традицијата на организирање на планинско возење низ пределите на Малешевијата (Општина Пехчево)!
Во сабота, на 25.06.2022, со почеток на велосипедската тура во 9:30 ч. со старт од центарот на Пехчево!
Опис на патеката:
- Средно тешка
- Должина на патеката 33 км.
- Висинска разлика од 900м.(се тргнува на околу 1000 м за да се достигне највисоката точка од 1932 м)
- 90% од патеката е off-road
Потребна опрема:
- Планински велосипед
- Задолжително носење на кацига
- По можност да се поседува и шушкавец за заштита од дожд (горе на врв условите се планински и може да се начека магла, дожд и силен ветер)
- По можност да се поседува резервна гума
Физичка подготвеност:
- Не се препорачува за неискусни и почетници (физички неспремни)
Од храна треба да се носи по сопствена режија (енергетски барови, енергетски пијалоци, лесно сварлива храна, вода)! Организацијата е поддржана од Општина Пехчево. Организаторите упатуваат огромна благодарност до Хотел Гогов – Пехчево за досегашната заложба во претходните организации без кои традицијата не би продолжила.
Од страна на Општина Пехчево е обезбедено возило за техничка поддршка и медицинско лице. Дел од организацијата се ентузијасти со огромна љубов кон велосипедизмот, спортот, природата како и кон Пехчево и неговите убавини.
Учеството е бесплатно, па заради тоа потребно е само да се појавите и уживате заедно низ убавините што ни ги нуди Малешевијата.
Организаторите не одговараат за авантури на поединци кои се одделуваат од групата.
Воедно организаторите ги повикуваат и љубителите на планираењето, бидејќи е можно да се формира и планинарска тура доколу има доволен број на пријавени
За повеќе информации можете да се обратите дирекно кај Александар Бојчевски.
|