Датум на објава: 27.08.2020
Вело училишта повторно подготвува активности за најмладите. После подолго седење во своите домови, изолирани од вонредната ситуација, време е за активација и потсетување на секојдневните навики кои не смееме никако да ги изоставаме и забораваме.
За таа цел Велоучилишта повторно го организираат настанот Вело родео, кој има за цел преку забава и игра да се поттикнат сите граѓани, почнувајќи од училиштата, се повеќе да возат велосипеди, и со тоа дополнително да се мотивираат и останатите да го изберат велосипедот за свое превозно средство.
Настанот ќе се одржи во вторник – 01.09.2020 година, кога и стандардно започнува школската година, и кога учениците треба да се вратат во своите школски клупи. Местото на настанот е платото кај Млечен (населба Тафталиџе, Скопје), со почеток од 17:00 часот. На овој настан најмладите ќе имаат можност да ги покажат своите вештини на полигон, како и да ја увидат новата игра, која што Вело училишта ја спремија токму за нив.
И да не заборавиме дека сеуште важат вонредните закони за движење на јавни простори, и посета на настани, односно мора да се придржувате кон сите протоколи.
За повеќе информации за настанот можете да најдете на официјалниот настан на Facebook
|