Датум на објава: 11.03.2021
Велосипедскиот социјален центар „Педала“, заедно со Здружението на граѓани „Одржливи иницијативи“и покрај пандемијата со корона вирусот, во зависност од моменталната состојба со пандемијата и мерките и препораките кои ќе ги донесе Владата, се подготвуваат за активности и настани на отворено меѓу кои ќе биде и туристичка велосипедска тура низ скриените музеи на Скопје.
– За оваа активност добивме поддршка од Град Скопје и Министерството за култура. Тоа ќе ни биде особен предизвик бидејќи покрај тоа што знаеме неколку кои не се толку познати за јавноста, како: Музејот на Старата скопска чаршија, Меморијалниот музеј на илегалните работилници за изработување на оружје за време на НОВ 1941-1944, неолитската населба Тумба Маџари, но има и Музеј на народна банка каде се изложени монети од историјата до денес, како и ред други места за кои пошироката јавност не е запознаена. И сигурни сме дека има уште за кои можеби ни ние не знаеме и треба да ги откриеме и да ги промовираме -потенцираат од „Педала“.
И покрај пандемијата со Корона вирусот велосипедскиот социјален центар „Педала“ не е сè уште затворен за јавноста, со оглед на тоа, како што велат, пандемијата придонела за зголемување на бројот на луѓе кои возат велосипед, а тие треба да продолжат некако со образованието и подигањето на свеста околу одржувањето на велосипедот и важноста од исправен велосипед за безбедноста во сообраќајот.
Извор: Вечер
|