Датум на објава: 02.06.2022
Стопанска Банка ги повикува сите граѓани на Скопје кои сакаат низ центарот на Градот слободно да ги возат своите велосипеди, ролерки, тротинети (електрични или обични), скироли и бебешки колички да им се приклучат на најмасовното возење по улиците ослободени од автомобили. Настанот ќе се одржи на 5 јуни, недела со СТАРТ од 18 часот од Порта Македонија и забава и лотарија на целта во Градскиот парк.
На целта во Градскиот парк, сите регистрирани учесници кои ги подигнале своите бројчиња и учествувале на трката ќе може да учествуваат во вредната лотарија и да се освежат со пијалок, сладолед или грицки.
За доброто расположение на присутните ќе се погрижат Baskerfest како и водителите Марко и Цеце.
Лотарија
За сите учесници, покрај ВПВЗ репрезентацијата ќе има и вредна лотарија која овојпат вклучува:
- 10 SPECIALIZED велосипеди
- 10 Apple Watch
- 20 JBL Clip 4 + торби за велосипед
Банката обезбеди и ваучери за сладолед, пијалок, грицки, вода со што ќе го освежиме пристигнувањето на целта и ќе можеме да уживаме во добрата забава.
Секако, и на стартот ќе има групни предизвици па ќе подели и подароци за оние најуспешните. За што станува збор ќе дознаете на стартот од модераторот на настанот.
Совети и Препораки
Како и досега, важат препораките за безгрижно учество на ВПВЗ се:
- не се оддалечувајте од вашето друштво, ова посебно важи за децата. Погрижете се детето да знае како да ве контактира во случај да се разделите.
- внимавајте на своите работи и не ги оставајте без надзор
- дојдете најмалку 15 минути пред стартот на трката за да ги чуете сите насоки и препораки за трката
- не брзајте, трката е од ревијален карактер и првите на целта нема да бидат посебно наградени
- бидете на целта за време на лотаријата, доколку не се пријавите кога ќе биде извлечено бројчето, истото ќе биде поништено и ќе биде извлечен нов добитник
- внимавајте на брзината и на безбедноста. Во случај на незгода, ангажирани ќе бидат возила на брзата помош кои ќе може да ви помогнат. Побарајте некој од нашите волонтери кои ќе бидат распределени на стартот, долж патеката и на целта во паркот.
- се очекуваат пријатни временски услови, но секогаш е добро да бидете заштитени од UV зрачење
- Банката ќе обезбеди услови за учесниците да можат соодветно да се ослободат од отпадоците затоа што нагласено внимание ќе биде посветено на хигиената и за време на одржувањето на настанот како и по завршувањето на истиот.
Сите добитници при подигнување на наградата ќе треба да се пријават кај волонтерите со цел евидентирање на личните податоци потребни за исплата на персонален данок.
Извор: Стопанска Банка
|